Wicaĥpi Hinĥpaya

Oyate wan wicoti.

Yunkan wicaša wan cunwintku nunp wikoskalalapi.

Yunkan hanhepi wan el hanwiyanpa oiyokipi.

Canke wikoskalaka kin nunpin tankal tiicanyan yankapi na woglak yankapi; wankal etonwanpi.

Hehan Wicaĥpi iyuha lila ilehlega wašteste.

Canke ekta etonwan yankapi.

Yunkan unma tokapa kin heya:

"Mitan, ito toke wicaĥpi wan lila ilege cin he waštewalaka ca kici waun ni," eya.

Yunkan unma hakakta kin is heya:

"Mis ito toke ka wicaĥpi iwaštela ilege cin he kici waun ni," eya.

Hehan ena istinmapi tankal, na wanna kiktapi.

Hehan tipi toktokeca wašteste ogna hpayapi.

Hehan ablezapi. Yunkan tipi kin e šni.

Yunkan wicaša wan koskalaka wan kici tokiyatahan glipi.

Yunkan wicaša tanka kin he wicaĥpi wan lila ilege cin hee; na koskalaka kin he is wicaĥpi wan iwaštela ilege un hee.

Hehan kinukan wicayuzapi.

Yunkan he mahpiya ekta, keyapi.

Yunkan wikoskalaka unma tokapa kin iglus’aka/

Yunkan anpetu wan el wicaša nupin omani iyayapi kta.

Itokab iyayapi kin is winyan kin nupin tinpsinla wopte yapi kta, keyapi.

Yunkan wicaša kin unma tanka kin heya:

"Hecanupi kte esa, tinpsinla naĥca heca wanjini woyaptapi kte šni," eya. Hehan iyayapi.

Yunkan wanna is winyan kin hunpe eya yuhapi na tinpsinla wopta omanipi.

Yunkan tinpsinla nahca wan han.

Yunkan winyan unma tokapa kin heya:

"Ito, le wounptin kta tokayelaka heyapi kin," eya.

Yunkan unma kin wicala šni.

"Hiya, owekis tokakte sece," eya esa, inihan šni, woptin kta cin; na wanna winyan iglus’ake cin hunpe ikikcu na woptin kta.

Yunkan maka kin paohpa iyeya na kutakiya hinĥpaya na kuta makoce ekta glihpaya.

Yunkan teza kablaza. Canke hokšicala kin ni ĥpaya.

Yunkan zitkala wan el hi na hisicala onsiya ĥpaya cin wanyanka na hehan iyaya.

Yunkan zintkala maka ohinniyan unpi kin iyuha awicagli na he tokel hokšila kin niyanpi kte cin iyukcanpi.

Hehan iyohila hokšicala ki tokel icahyapi kte cin ikiciyungapi.

K’eyas iyuha icaĥyapi okihipi šni, keyapi.

Hehan zitkala wan Tasiyagnunpa ewicakiyapi kin, he iyungapi. Yunkan heya:

"Hau, miye hokšicala le icaĥwaya owakihi yelo," eya, "Ca bluha kta," eya.

Hehan zintkala iyuha sun wanji gluslokapi na hokšicala kin k’upi na hehan iyuha kinyan iyayapi.

Hehan is Tasiyagnunpa ki is hokšicalaki icu na pehi wokeya wanji kagin na el kici oti.

Na wanna waniyetu hehanl wokeya wanji ake kage na woyute tokel hokšicala ki yutin kte cin tiyoksu.

hokšicala kin wicakeyapi "hokšila" kin.

Tasiyagnunpa kin "Takoja" eya cekiya keyapi.

Ho wanna hokšila kin waniyetu tonakeca na wanna mani luzahan.

Hehan tunkasitku kin wahinkpe kicaga na wakute onspekiya.

Na wanna koskalaka. Hehan wanna iyecinka taku iyuha onspe na wahinkpe icicage na taku eyas iyuha wicao.

Hehan tunkasitku kin wanna omani ye si, tokiyab omani ye si, na ecel cajeyata:

"wicaĥpi Hinĥpaya," eya caston.

Wanas kakel keya omani ya.

Yunkan oyate wan wicoti. Canke el i.

Tiwegna ye šni itokab iglutokeca, owanyag sica ic’icaga na hokšila ic’iya.

Hehan hokšila eya skatapi. Canke el wanwicayank inajin.

Hehan hokšila wan el hi na kici woglaka.

Yunkan iye tipi el gle ape. Hehan kici ki.

Yunkan hokšila kin kunsitju winuĥcala wan kicila ti.

Canke el kici ki. Yunkan "Ho, Unci, hokšila le kolawaya ca hiyelo; wok’u wo," eya.

Canke winuhcala ki wok’u kte, eyas takuni woyute yuhapi šni.

Canke tasupe cosyapi wanji ciscilahci ceonpa na hokšila kin k’u.

Hehan woglak yankapi.

Yunkan hokšila kin heya:

"Takuwe wicaakihan heci he?" iwicayunga.

Yunkan winuĥcala kin heya:

"Tokoja, oyate kin wansapi kes, wicaša wan, le cokab ti kin le, Waziya e ca ti, na pte tona cepa wicaopi kes, iyuha wicaki, ca oyate kin wanna ota akihan t’api ce," eya.

Heha eyokasin na wanyanka. Yunkan tipi wan cokab tanka han na oksan wakablapi ota na tipi unma kin wanjini el wakablapi wanica.

Hehan Wicĥapi Hinĥpaya lila canze. Na hehan heya:

"Kola, tohanl wanasapi kte so?" eya. Yunkan:

"Hinhanna akotahan kin hehanl wanasapi kte lo," eya.

"Ho, kola wanase unyin kte lo," eya. Na wana wanasapi/

Hehan wicaĥpi Hinĥpaya takolaku kin kici is eya yapi.

Na wanna pte wicakuwapi na wicaopi.

Hehan is wicaĥpi Hinĥpaya pte wan lila cepa kaĥnige na o na hehan takolaku kici wapata.

Yunkan wanna wicaša wan lila hanska ca wapatapi kin ecel u na wanji wašte tuwa pata can kin au.

Hehan wanna wicaĥpi Hinĥpaya el hi na heya:

"Ho, pte cepa kin le mayak’u kte lo, iwaštela epe k’el," eya. Yunkan Wichapi Hinĥpaya eya:

"Woiho oieyayelo! Mis eya le unkaglapi kte ca wao welo," eya.

Yunkan Waziya heya: "Wan! hokšila wan tokiyatan waohola šni yahi yelo. Kohan mak’u wo. Ecannon šni ehantans nap’acipazo kte lo," eya.

Yunkan wicaĥpi Hinĥpaya heya:

"Ungna niyes nap’acipazo ki," eya.

Canke Waziya lila canze "Napacipazo kta!" eya na nape apazo, tka nape kin papsun ihpeya.

Yunkan ake nape unma eciyatan ake apazo, tka ake papsun. Hehanl tokel h’an kta okihi šni.

Hehan kigla.

Cankes wicaĥpi Hinĥpaya kolaku kici wagli kipi.

Ake Unktomi

Taku Ota K’in Ya

Ake Unktomi taku ota k’in ya. Unkan magaksica ota wanyaka. Unkan magaksica heyapi:

"Ciye, hena taku ca yak’in he?" eyapi. "Hena olowan yelo," eya. "Ciye, wanji unkahiyayapi ye," eyapi. Unkan "Han" eyapi.

"Upo," eya, "na iyotaka." Na magaksica oyas'in el upi na el hipi oksan najinpi.

"Ca olowan wanji wašte awahiyayin kte lo.

Oyas'in istogmuza po," eya.

Hecel oyasin istogmuzapi.

"Tuwa tunwe cinhan ista sa kte lo," eya. Hecel oyasin lila suta istogmuzapi.

Hecel wanna lowan: "Istogmuz waci po- Istogmuz waci po- Istogmuz waci po," eya lowan.

Hecel magaksica lila sitomni wacipi.

Canksa wanji kaga na magaksica wicakat’a awicaya.

Unkan wanji tunwan na Unktomi wanyanka na heya: "Hanta po" eya.

"Unktomi nicasotapi lo, "eya. Unkan tunwanpi na kinyan iyayapi na napapi. –Hecel tunwecigun, he ista šaša keyapi.

Oyakapi. Skiska eciyapi.

Old Walker, on June 5, 1904

Iktomi Wanji Wanna Omani

Iktomi wanji wana omani. Lila locin.

Paha mni wanyank inapa.

Yunkan mni ata magaksica ota.

Yunkan Iktomi he yute cin na iapi wanji owicakiyake:

"Misun, glicu po." Hut leciyatan Iya wan mni ki yahep au. "Niye ko, tebniyin kte lo."

Hecen magaksica: "Ciye, un heyapi kte lo."

Iktomi ke: "Hau."

Hecel: "Ohomni inajin po," eye. "Misun, walowan kin: Istogmuz waci po.

Tuwa amayalutapi kin, ista nisapi kte," eye. Na wanna lowan: Waci po magaksica.

Canksa icu na wicakat’a na nunpelala nipi.

Iktomi ota wicakte na cantewašte na iyapi eye:

"Tohanl lowacin canna lecunpelo," eyin na lila wote.

Bullman, on December 5, 1904

Iktomi Conquers the Iya

Heces Iktomi kakena toke ecaca omaniyahan ske.

Paha wan kakel iyahin kta hanl Iya ins eya unma eciyatanhan mat’in kta hunse,--ecin hingla ske.

Makablu icu na sican kin liglila kpawiyakpa na leya ske,

"Hunhunhe, misun, nais ciye (has, is tukte unma tounkapapi hwo?)" eya ske.

K’eyas Iya cuwi okiniya canna sna Ikto yacekce icu; canke kokipehci na.

"Wan, misun, nais ciye, akowapa najin ye.

Mis eya wacin hantanhans yatahena icicu kte lo.: eya ske.

K’eyas Iya ayupte šni yunkan hehanl ake "Ho, ito misun, nais ciye (has; is tukte unma tounkapapi ca!),

tohunwel nitunpi hwo?" eya ske.

Yunkan—"Eya maĥpiya na maka kin lena toka kagapi—Wan, witko, mahpiya na maka kin hena le miye wakage lo.

Ohan, wana waweksuye cin eciyatinhan, ehanke c’un miglustan na hehanl takul wan kal yupsunpsun ihpewaye c’un he le niyela yelo.

Keya Zuyaya

Keya wan zuyayin kte on wicaša tona ob yin kte cin owicale.

Yunkan mastincala wan el hi na zuyaye cin el opa kta keya.

Yunkan Keya kin heya: "Ho, inyankic'iciya yo!

Wanciyakin na ni kta iyececa ehantans, unyin kte lo," eya.

Canke mastincala kin inyankic'iciye, eyas lila luzahan.

Yunkan Keya kin heya: "Nihunkšni ca 11 kagimayayin kta ca ni kte šni yelo," eya.

Canke mastincala kin cansil kigla.

Hehan Keya wamakaskan tona hunkešni un hena wicahipi: matapiha, wabluska tiyoslo, maka, tusweca, hitunkala, na tiyuktan, capunka wan.

Henakeca wanna iwicacu. Na wanna ob zuyaya.

Anpetu wan kata hi. Canke Matapiha un temni t'a.

Canke unyan iayapi Matapiha temnit'e cin on iyokisilyapi.

Unkan ake hlilhila wan el iyayapi na si kin makalihlila ohapi.

Canke si nakwak iyeya makahlihlila nakikintapi.

Yunkan Wabluska Tiyoslo kin ceca nakiksa.

Canke unyan iyayapi na on ake iyokisilyapi.

Yunkan Tusweca kin ceya ya na pahli u. canke pahil glujincin kta.

Yunkan pa igluska. Cante t'a. Yunkan ake unyan yapi.

Canke ake can soke wan'opta iyayapi. Yunkan tiyuktan un ena can ikoyaka.

Canke wanna etan top t'api.

Canke etan yamnila ob ya, maka, hitunkala, capunka, henala wanna ob ya.

Wanna oyate wan wicoti. Canke el yapi na wanna ti wegna iyayapi hanhepi ehanl.

Yunkan tipi wan hocokata tanka han. Canke el eyokasinpi.

Yunkan wicaša wan isnalahci tima istinma hpaya.

Canke Keya tima iyaye na wicaša kin pa waksa na gliyahanpi.

Canke tehanl kupi selececa. Hehan ena ašnikiya gliyotankapi na hehan panpi.

Yunkan hecegla natan hiyu na maka ki ni yuzapi.

Hehan Keya wicoti egna iyaye na cega sica wan tankal han.
Canke el mahel iyunka na aigluptanyan, na hitunkala na capunka kici ni iyayapi na maka is wayaka oyuspapi na tipi wan el tima pahta unpapi na tima lila cetipi na peta kin ijehan pa izitapi.

Canke maka osota on kakisya hpaya.

Canke howakan. Keya Maka kin ceya nah'on ca Keya canze na hnahna.

Hehan winuhcala wan hanhepi ehan tankal hi na cega wan Keya ogna hpaye cin yuptanyan icu, tka Keya nape el yahtak aksija.

Canke wicaša ota ahi na tokel yuspupi kta.

Ogna okuwapi, eyas lila Keya cehupa was'ake.

Canke yuspupi okihipi šni.

Hehan tipi wan tiyp tankaya el aipi na lila cetipi na oksan wanyak nijinpi na tokel yuspupi kta cin iyukcanpi kes, okihipi šni. Yunkan wicaša wan heya: "Yus'ins'in po," eya.

Canke a oyunjunkjuntapi. Yunkan Keya ina na ayustan.

Yunkan wicaša wan nazunspe wan icu, na Keya kahuhapin kte kecin, tka kaslul iyeyin na wicaša wanji ikanyela yanka canke hu kin cokan kaksa ihpeya.

Canke ake wicaša kin hna na Keya icua na tice etkiya wankayeya.

Yunkan wicaša wan nata kin akan ahinhpaye na nata kin okicaslel ihpeya.

Canke hehanyan tokel ktepi cin olepi kes, tukte ogna ktepi kta taninšni.

Yunkan wicaša wan heya: "Ito, sina wanji tanka opahtapi na inyan etan ko opemnipi na nini wanji sma el mahel ihpeyapi kes, t'in kte sece lo," eya.

Yunkan hecena Keya ceya iyaya na lila onsiic'iya; na onsilapi cin na heconpi šni kes, wayaka un kta keya, tka inse wicagnayan na nihinciye kin on lila kitanpi.

– Mni kin hel ihpeyapi ehantans ni iyayin kte cin he slolkiya; icin Keya kin mni mahel unpi.

Na wanna mni mahel ayapi kta yasupi.

Na wannas sina wan inyan eya ko el ahipi na wanna Keya onsi iyaha, tka ecanles inyan kin ko opemnipi na mni wan sma ekta ayapi na mni sina cin el oihpeyapi na glicupi.

Hecena Keya sina kin etanhan ikpahloke na mni mahel wiyuskinskin.

Nunwan niun; k'eyas oyate kin Is T'a keyapi. Ho is Maka kin ohinni isota wan el kakisyapi.

Yunkan Maka kin "Keya wanna ktepi keyapi" nah'on.

Hehan heya:
"Ho ito, wanna he kici zuya wahi, tka wanna yaktepi kin heon wanna mis eya wanna tokel mayaktepi kta cin ociciyakapi na nupin unyaktepi kte cin he ogna iyes wašte yelo," eya.

Eyas Maka kin Keya mni mahel ihpeyapi ca t'a Keya okiyakapi.

Canke iha kini ca, na is eya tokel kpaptin kte iyukcan na on Keya na wanna heya: "Ito wasun wanji otankaya ca mahetuya, ca oyalepi kta na wanji iyeyayapi kin el pa mahel mayaluzapi kinhan, mat'in kta," eya.

Canke heceglas wicagnayan na wanna wasun olepi.

Yunkan wasun wan tanka mahetuya ca iyeyapi.

Canke wanna Maka etkiya yuz ayapi na wanna wasun kin el ahipi na pa permeable yuzapi na wicota oksan najinpi na ayuta najinpi.

Yunkan wanna onzela kin nahcahcayeya.

Yunkan heyapi: "Wanna t'in kta ca hececa yelo," eyapi na lila onze ki ikanyela oksan au na wanyank iyotakapi; tkas lila cesli iyeya na tona kanyela wanyank najinpi kin iyuha ista kin oceswicasli na wasun kin makel iyaya.

Canke tona ista oceswicasli hena iyuha istagungapi.

-- Icin Maka tunkce kin wicista el iyaye cin lila sica. – Ho hehan wasun ok' ahanpi kes lila mahetuya.

Canke okihipi šni.

Ho Keya zuya I k'on iye iyatayela topa waontonyan na wancala taopi, nazunspe on apapi he, kahlokapi šni esa, he taopi keya;

Maka wicaša ota ontonwicaya istagungawicaye cin, hena;
na Capunka kin wicaša ota wicayahtaka na hena waontonyan keya;
na Hitunkala he is tipi ota el timahel I na tima wak'in hiyeye cin makel yahloka na mahel taku un kin osunksunkye ihpeya na he waontonyan glawa.

Ho hecel tob zuay ipi kin iyuha olota waontonyanpi na Heya zuya itancan kin taopi toplalapi,
tka wajini ktepi šni.

Iyuha ni glicupi na is oyate otapi esa, hunh wicaktepi na hunh ontonwicayapi.

Ho hecel Keya ozuye tawa kin ohitika keya glaotanin.

Koska Tob Tankekupi Wan Hena Zaptan Tipi

Tokapa ki waye iyaya; unkan gli šni. Hecel na gli šni, ake wanji waye iyaya; unkan ake gli šni. Hecel na gli šni, ake hakakta ake waye iyaya; unkan ake gli šni. Hecel tankekupi ki lila ceya han cantesica.

Unkan inyan slusluta ikpingaka na istinma. Unkan iglus’aka, tezi tanka aya na wanna cinca ton, hokšila wan ton. Unkan hokšila ki heya: "Ina, tuwa tawa he?" eya. Timahel tosu ecel wanju otka wanyaka hokšila ki, hunku iyunga. Unkan hey (hunku): "Nileksi hena tawapi," eya. Unkan hokšila ki heya: "Tokiya yapi he?" eya iyunga. Unkan (hunku) heya: "Nileksi topapi, tka oyasin waye iyayapi na hecel na glipi šni," eya. Unkan hokšila ki heya: "Ina, leksi owicale mni kte lo," eya. "Howe yaye," eya (hunku).

Hecel wanna hokšila ki gakena ya. Unkan hoksi cantkiyapi tob skatapi, oslohan unpi, wanwicayaka. Unkan leyapi : "hokšila, u wanna, unskatapi kte," eyapi. "Hoye," eya. Wanna heyapi : "Inyan hokšila, niye tokeya iyotaka," eyapi. Unkan: "Hiya, miye ehake makin kte lo," eya. "Howe," eyapi.

Hecel wanna owecihan iyotakapi na wanna iyayapi. Inyan hokšila ki ehale yanka, inyan tanka ic’icaga. Hecel iyayapi kat’a iwicayeya. Hecel hawicayuza na hunku ki gagli, ca hunku ki kpanwicaye na leya: "Sicaya ecannun we," eya. "Hiya," eya hokšila. "Lena wanju-wayin ktelo," eya, ca "Ina, wanju mnicagin kta he?" eya. Unkan hokšila ki leya: "Toksa kte lo," eya keyapi. "Wanna owicawale kta lo," keyapi, na wanna ‘?NHb ya. Unkan taku wan hmunwahinkpe wan mahpiye ecuyatahan u, keyapi, na maka ki galob glihan , keyapi. Nahan wahinkpe ki leya keyapi: "Inyan hokšila, un skatin kte lo," eya keyapi. "Hoye," eya keyapi. Unkan wahinkpe ki hiyu, keyapi kte kta cun keyapi. Wismahe ki wokipehan, keyapi. hokšila ki Inyan, canke kte kta okihi šni.

Otonwahe Tanka Ti

wicaša wan lila ota icazo, gljuju šni, t’a, tawicu nakun t’a, hokšila wan wanji isnala el un. Tipi tawa ata icupi. Hecel hosila he tanka iya, otonwahe etanhan tankal iya, tuweni yuha šni, lila cantesica omani, canwegna ohanzi el istinme.

Ake iyaya, ake tuktel istinma. Anpetu ota hecel omani, ceya omani. Wanna lila tamaheca, woyute nica.

Ake canohanzi el iyotaka, cankaga wan akan iyotaka, maka ki wanyaki yanka.

Unkan taku wanyaka, taku zi cistila wanyaka. Hecel icu. "Le taku hwo?" ecin, yuptanptan wanyaka lila wašte iyognaka.

Ake omani, ake canohanzi el iyotaka, iyognaka cik’un icu na wanyaka hpan canke tanka lila wašte na wiyasila tanyan wanyaka, iyukc’okihi šni, taku ki slolye šni, maka ki ekta mahel egnaka na iyaya; otonwahe tokeca ekta ya, tka otonwahe mahel ya okihi šni, tiyopa ki akicita awanyakapi wolakota šni.

Hecel toka mahel iya okihi šni. Ake ku, wanna tehan ku, otonwahe tawa ekta gla. Wanna kanyeba gla. Unkan kiksuya kal taku wan ewagna kicun, "Ito, el mni kte na wanblakin kte." Wanna ekta ya na wanna el i.

Unkan wanna hinapa hu ki lila wašte; ape ki tankinkinyan na sa iyuha ohanhanp s'elececa ca wanyaka lila yus’inyaya na canteyapa inihan he ikokab taku hececa tuwena wanyake šni ca wanyag najin na iyukcan najin. "Le taku hwo?" ecin. "Ito, wicašayatapi ki owakiyaka ke," ecin. Na wanna otonwahe ekta gla. Wanna otonwahe mahel kigla. Wanna wicašayatapi ti ki el ya, tiyopa el akicita awanyakapi. Hecel el i na heya: "Akicita, iyowinmakiya yo." Unkan akicita ki ayupta: "hokšila sica wanji wicašayatapi ti el yin kte cin šni yelo," eya. "Hiya, wicašayatapi taku wašte wan owakiyakin kte heun wanblkin kte wacin ce onsimala yo," eya keyapi.

Hecel akicita ki wicašayatapi ti ki el mahel iya na wanyake na heya: "hokšila wan wanniyakin kta cin, "Lecel taju wašte wan oniciyakin kta ge yelo." "Hau, usi yo," eya keyapi.

Hecel akicita ki tankal inapa na heya: "Ho, u wo," eya keyapi. Hecel wanna hokšila ki wicašayatapi ti ki el tima iyaya. "Hau," eya keyapi, "hokšila hel hiyotaka yo," eya keyapi. "Taku omayayage kta hecin omakiyaka yo," eya keyapi, "cantewašteya nah’un makin kte lo," eya keyapi.

Hecel hokšila ki hey keyapi: "wicašayatapi iyotiyewaki yelo. Wanna akihan mat’in kte lo," eya keyapi, "tuwena mayuha šni yelo," eya keyapi, "Ate lila icazo, glajuju šni, t’e lo. Ina nakun t’e lo; Ate taku tawa ki oyasin icup’elo," eya keyapi. "Hecel tankal otonwahe letanhan iblablo," eya keyapi. "Cantesica ceya omawani yelo," eya keyapi.

"Unkan taku wan iyewayelo ca iwacu welo na iyogna omawani yelo. Unkan hpan yelo, iyomahpan yelo ca iwacu. Unkan lila wašte yelo, can cunhanzi el mak’elo. Maka ekta cistila wak’elo, nape un el ewagnake lo, wehan hecanmon welo na tehan omawani yelo. Otonwahe tokeca ekta wai yelo ka mahel bla owakihi šni yelo. Otonwahe oksa cunkaske suta na tiyopa wanjila, tka akicita awanyakapi hecel mahel bla owakihi šni. Hecel waku welo na kanyela waku yelo. Unkan gal taku wan ewagnakecuan ito wanblakake ecanmi yelo ca ekta wai yelo, el wai yelo. Unkan taku wan hinap’elo. Ape lila wašteste yelo; wicašayatpi inicage ci teanhan taku hececa wanji wanblaka šni yelo, taku wan wašte wanlakin kte lo ca hosicicahi yelo," eya keyapi.

Unkan "Anpetu tahena wanblakin kte hwo?" eya keyapi. Hecel tawowasi ki inahni canpagmiya ikoyab keyapi na hokila ki kici can pgamiya ki el iyotaka nahan lila luz iyayapi. Ihakab akicita ota inyankapi. Wanna el ipi.

Unkan wicašayatapi wanyake, lila cantewašte, lila wiyiske keyapi. Hecel akicita ki wanyakapi kta cinpi, kajujupi kta, hosila ki mazaska k’upi kta wicasi. Akicita otoiyohi mazaska wikcemna k’upi na wanyakapi, tohinni taku hececa wanyakapi šni, canke lila yus’inyayapi, cantewaštepi, taku wašte wanyakapi heun lila iyokipipi na ohomni canhlogu yujunpi na cunkaske inahni kagapi na kiglapi na canpagmiya tanka ota canblaska ognakapi na el ahipi na tipi wanji inahni kagapi na ogna yankapi na awanyakapi, tuwena wicaša ikceka wanyakapi kte šni yelo wicašayatpi ki ey keyapi. "He taku kta hecinhan, tanyan icagi ktan, keyapi. Tohanyan seca šni ki, hehanyan tuwena oyut’an kte šni yelo. Tuwa wanyake kta cin kinhan, mazaska wikcemna kajuju kte lo," eya keyapi. Nahan mazaska koka wanji el egle wicasi. "Tuwa wanyakin kta cin kinhan, koka ki el mazaska wikcemna ognakn kte lo," eya keyapi.

Na hokšila ki kici kigla, geyap, iye ti ki el hokšila ki un, keyapi, na iyotaninpi otonwahe ki ata nah’onpi kta, keyapi. Wanna ptanyetu ehan ake wanyakapi kta ewicota ekta ayin kte, keyapi.

Wanna ptanyetu tak’oyasin suton. Hehan wanna lila wicota ekta aya, keyapi. Unkan wanna lila hanska icaga, keyapi, oyate ota, wicaša ota wanyakapi, Otoiyohi mazaska wikcemna ece kajujpi, keyapi.

Hecel hokšila ki wanna mazaska lila ota k’upi, keyapi. Unkan taku eya lehanhankeca, wicispa hehanhankca ikoyaka, keyapi.

Hecel wanna oyate tanka oksa nijinpi na wicašayatpi ki wanna wanji oyuspa, ape ki yuhan, ake wanji yuhan, ake wanji yuhan, ake wanji yuhan, ake wanji yuhan, ake wanji yuhan, ake wanji yuhan, ake wanji yuhan, ake wanji yuhan. Wanna ata yuhan. Unkan taku wan jica yuaslala, keyapi, na heya keyapi: "Le taku hwo, tuwa slolya hwo?" eya keyapi, tka tuweni slolye šni. Wanna iyukcanpi na wahuwapa hee wagmaheza eya cajeyatapi keyapi he ikokab wagmaheza wanice keyapi. Tuwena heca wanyakapi šni. Wagmaheza wanjila iyognake cik’un, heeca etanhan icage, keyapi; maki (maka ki) el egnake cik’un heeca tanhan wahuwapa wikcemna icaga keyapi.

Hecel ape ki hena e kaes ihpeyapi šni, tanyan icupi keyapi. wicašayatapi ti ki el ataya kipi, keyapi. Hecel wagmaheza wanjila mazaska opawinge iyopeyapi keyapi. Oyate ki otapi hecel ata iyohipi šni, lila cinpi, keyapi.

Hecel wanna wetu wagmaheza he wanjila maka el egnakapi, keyapi. Na awanyakapi na hu ki hinapa, keyapi, lila tanyan awanyankapi. Hecel wagmaheza hu wanji tanka icaga. Hecel wahuwapa wikcemna ece ikoyaka, keyapi. Hecel hokšila wahpanica k’un he Sicatanka keyapi.

wicašayatapi ti ki ataya tawakiyapi. Oyate ki ataya tawa keyapi. wicašayatapi t’e cinhan, hokšila ki he wicašayatapi kta keyapi.

Wanna wicašayatapi ki t’a. Hecel hokšila ki wicašayatapi kagapi keyapi. hokšila wahpanica k’un he Wankantanka okiya. Hecel Sicatanka na wicašayatapi kaga keyapi.

Ho hecel tuwa onsi ke c’eyas Wakantanka cekiya un kinhan, okiyin kta, sica kta, keyapi, na wicaša wašte icagin kte, keyapi, Wakantanka okiya canke eyapi.

Ho hecetu yelo!

Old Walker, on June 6,1904

Iktomi Kakena Ya

Na  Iya Wan Ataya

Iktomi kakena ya; yunkan Iya wan istima hpaya.

Canke ataya na wanyak inajin na hehan napin kta.

Eyas "Owekis kikta na tebyin kta" ikopa; icin

Iya kin wicaša nains wamakaskan eyas tebwicayapi.

Canke tokel gnayin kte kin iyukcan najin.

Ohanketa kes yuhica na heya: "Kikta yo,

leciya bla ca unyin kte," eya.

Yunkan kikta hiyayin na niya na yacek eyaya.

Yunkan Iktomi heya: "Ito, mis eya waniya na

yamahe eciyayin kta," eya. Yunkan hecegla

gnayan na lya heya: "Ito ciye," eya. Yunkan

Iktomi heya: "Makoce na taku kin lena iyuha

Wakage on hehan wicaša wan sicahca wakage on,

He niye," eya. Canke wicakela na lya kin

onsiic’iya un. Ho, heces kiciya. Yunkan

Iktomi heya: "Misun es takuku koyakipe, sece lo,"

eya.

Yunkans lya kin heya: "Ciye, hlahla, cancega,

Siyotanka hena kowakipa," eya. Yunkan

Iktomi heya: "Misun, mis eya hecehce kowakipa,"

eya, "Ho, misun, lel oyate wan tipi ca el

Unyin kte lo," eya. Na wanna kanyela yapi.

Ehanl Iktomi heya: "Ho, misun, lel yanka yo.

Tonweya mni kte," eya.

Ho heces lya ena yanka na Iktomi iyaya.

Na wanna wicoti el I na heya: "Iya wan kiciwau, tka

taku lena kokipa, hlahla na cancega na siyotanka.

Ho, hecel hena luhapi na wiyeya nayajinpi kta kinhan,

le wakni, na kici tiwegna wahiyu kin,

ayas’api kta," eya.

Canke eyapahapi na wiyeya nijinpi.

Canke wanna Iktomi lya kin el ki na heya: "Ho misun,

oyate tanka tipi, ca el unyin na tipi kin unyawa

na akiyena na wicunyutin kta," eya.

Hece na wanna kici tiwegna yapi. Hehan wanna

Natan ahiyu na hlahla kin awicakahlapi na

Awicas’api na lya kin kat’ekinicapi. Cankes t’a.

Canke can ota ileyapi na el ihpeyapi na hecel huhnaga.

Inyan hokšila

1 Koska top tankekupi wan hena zaptan tipi.

 tokapa kin waye iyaya. Yunkan gli šni. Hece na gli

 šni, ake wanji waye iayaya. Yunkan ake gli šni.

 Hece na gli šni, ake hakakta ake waye iyaya. Yunkan gli

 šni. Hece na gli šni, ake hakakta ake waye iyaya.

6 Yunkan ake gli šni. Hecel tankekupi ki lila ceyahan

 cantesice na pahata yankin.

 (Ho hece inyan wan icu na iyognakin na ena

 istinma ske. Ho na kikta ske na tiyata gli ske.

 Yunkan ogna tezi yazan ca kul hpaya ske.

11 Yunkan cinca ton ske na pakab ihpeya ske, na

 kikta iyotaka ske. Yunkan ake pakab ihpeya ske na

 slohan ku na iyape gliyotaka ske. Yunkan ake icu na

 tiyopa ihpeya ske. Yunkan mani glicu ske,

 tiyopa yuz iyeye. Yunkan koskalaka glicu,

16 catkuta koskalaka gliyotakin na heya):

 "Ina, tuwa tawa he?" eya timahel toju ecel wanju

 otka wanyanka hokšila kin hunku iyunga. Yunkan heya:

 "Nileksi hena tawapi," ey. Yunkan hokšila kin heya:

 "Ina, tokiya iyayapi he?" eya iyunga. Yunkan heya:

 Nileksi topapi, tka oyas’in waye iyayapi na

 hecel na glipi šni," eya. Yunkan hokšila kin heya:

 "Ina, leksi owicale mni kte lo," eya. "Howe, ya ye,"

 eya. Hecel wanna hokšila kakena ya.

 Yunkan hoksincantkiyapi top skatapi,

 oslohan unpi wanwicayaka. Yunkan heyapi:

 "hokšila uwa yo, oslohan unkic’unpi kte," eyapi.

 "Hoye," eya. Wanna heyapi: "Inyan hokšila niye

 tokeya yanka yo," eyapi. Yunkan "Hiya, miye ehake

 mankin kte lo," eya. "Howe," eyapi.

31 Hecel wanna owecinhan iyotakapi na wanna iyayapi.

 Inyan hokšila kin ehake yanka inyan tanka ic’icaga.

 Hecel iyayapi, kat’a iwicayeya. Hecel hawicayuza

 na hunku kin kagli ca hunku ki kpanwicayan na heya:

 "Sicaya ecannon we," eya.

36 "Hiya," eya hokšila, "lena wanjuwayin kte lo," eya,

 "ca, Ina, wanju micicagege yo," eya. Ca wanju

 kicaga, top kicaga. "Tuwa wahinkpe nicagin kte he?"

 eya. Yunkan hokšila ki heya: "Toksa, leksi owicawale

 kta ca glipi kte lo, iyewicawayin kte lo," eya keyapi.

41 Wanna "Owicawale kte lo," eya keyapi na wanna

 kakena ya. Yunkan taku wan hmuns’an u keyapi ca

 nah’on nahan owanji inajin. Yunkan wahinkpe wan

 mahpiya eciyatahan u keyapi na maka ki kalop glihan

 keyapi nahan wahinkpe ki heya keyapi:

46 "Inyan hokšila, unskatin kte lo," eya keyapi.

 "Hoye," eya keyapi. Yunkan wahinkpe ki hiyu keyapi,

 kte kta cin keyapi; wismahi ki wokipehan keyapi.

 hokšila ki Inyan, canke kte kta okihi šni.

 Iye wahinkpe ki ikpage ogna nahtaka na sleca keyapi

51 na he leksitku ki he hpayapi hohu ki selya hiyeya.

 Hecel oyasin pahi keyapi, k’in ku keyapi na

 awicagli keyapi na heya keyapi: "Ina, leksi

 awicawagli yelo," eya keyapi, "iyewicawaye lo,"

 eya keyapi, hunku okiyaka. "Ina, ini kaga yo,"

56 eya keyapi. Hecel hunku ki inikaga keyapi. Hohu

 seca wanna akahpa. hokšila ki timahel iyotaka

 keyapi. Wanna Inyan ki tima iyeya, mini akastan

 keyapi.

 Yunkan timahel wicaša ota hotaninpi nah’on keyapi;

61 hokšila ki heya keyapi: "Ina tiyopa yuhan yo,

 leksi ot’api kte lo, inahni yuhan yo," eya keyapi.

 Hecel hunku ki tiyopa yuhan. Yunkan leksitku ki

 ob timahel yanka. Hunku kin wanwicayaka na lila

 cantewašte keyapi. Hena ehanni t’api, tka kiniwicaya.

66  Hecel ob tankal glicu na iye tipi ekta tima tipi na

 hokšila ki heya: "Leksi, wahinkpe ota micaga po,"

 eya keyapi. Hecel wahinkpe ota kicagapi keyapi na

 hokšila heya keyapi: "Leksi, owanjila yanka po,

 omani mni kte lo," eya keyapi. Wanju kic’in

71 na kakena ya keyapi.

 (Wanna owicale ya. Yunkan wizila wan cunsoke

 egna han. Yunkan etanhan winuhcala wan hinapi na

 "Takoja u" wanna eya ske. Canke "Leci inahni ble lo."

 Yunkan iyes "Nileksi, hakela, tucuhu onamicihuhugapi

76 na iyayapi, canke, takoja, tucuhu onamicihuhu na

 iyayi ye," eya, "canke kul iyunka yo," eya. Canke

 kul iyunka. Canke tuchu kin onawehwe ahiyaye.

 Canke "Takoja, hecegla," eya, tka inihan šni.

 Tucustin e hanke k’el hohu eya pestola he eyas ko

81 inakpan ahiyaye. Ho inakpan iglustan na woheyun

 top yanka, ca wanji tokeya yujuju.

 Yunkan leksitku he wanji ske. Canke ake wanji yujuju ske.

 Yunkan leksitku he wanji ske. Na ake wanji yujuju ske.

 Yunkan leksitku he wanji ske. Ho ake wanji yujuju ske.

 Yunkan leksitku hakela e ske. Ho hecon na ena inikaga

 ske na topapi kin oyasin tima ewicaonpa ske,

 ob inikage, in akastan. Yunkan oyasin canyankapi:

 "Yuohanko wo, nituwe heci?" Canke yugan.

 Yunkan oyasin kikta yankapi. Wanna glinapapi

91 na oyasin tankal gliyotakapi. "Ho, nituwe hwo?"

 "Ina mayuha ca leksi eciyatahan ocile waupelo,

 ca wanna unlgipi kte lo. Ina isnala yanka ca

 ceyahe sece lo," eyin na glipi ske.

 Wanna el glipi ske, leksitku kin ob.

96 Wanna Inyan hokšila heya: "Ina omani mni kte lo.")

 Yunkan pte lila ota au wanwicayaka keyapi.

 Yunkan wicahcala wan, tatanka wicahcala, ca he

 gluman keyapi: "Tunkasila, tokel eniciyapi hwo?"

 eya keyapi. Yunkan "Canli ogu yapopa emaciyapelo,"

101 eya keyapi. Yunkan "Tunkasila, caje niwašte yelo,"

 eya keyapi. "Tunkasila, toka ca he yagluman hwo?"

 eya keyapi. Yunkan wicahcala ki heya keyapi:

 "Takoja, Inyan hokšila, hoksicantkiyapi top wicakte ca

 le takpe ya yelo ca tatoju huta kesa ecanmi yelo,"

106 eya keyapi. Yunkan "Tunkasila, le miye yelo,"

 eyin nahan wahinkpe ikikcu nahan glakinyan o keyapi.

 Hecon na ti anakitan keyapi. Maka sitomni pte ki

 yucik’ayela oksantanhan au keyapi ca gli keyapi na

 heya keyapi: "Leksi, wan ikikcu po," eya keyapi,

111 "takpe maupelo," eya keyapi. Na cunkaske kagapi

 ca pte ki oksantanhan ahihunni keyapi.

 Lesitku ob pte ki lila ota wicaopi skanpi keyapi.

 Cunkaske ki wanna pajujupi kta kuwapi. Hecel

 tahincacice, maza wan, hunku tawa, icu nahan

116 wankal iyeya. Yunkan tipi ki oksan maza cunkaske

 icaga keyapi. Pajujupi kta kuwapi.

 Lila ota wicaopi skanpi keyapi.

 Wanna pajujupi kta lila kuwapi na pajuju aupi/

 Hecel ake Inyan wan icu, wankal iyeya keyapi.

121 Yunkan Inyan cunkaske wan kaga keyapi.

 Hecel pte ki lila kuwapi, tka Inyan,

 canke pajujupi okihipi šni keyapi.

 Yunkan tatanka wicahcala wan eyapaha keyapi na

 heya keyapi: "Heyata ku po -- ayustan po--,

126 Inyan hokšila wonisotapi kte lo," eya keyapi.

 He heye šni kinhan, wowicasotin tka, ka kinhan,

 pte wanice tka ka keyapi. Huhn awicayustan.

 Hecel pte yuke cin lececa keyapi.

 Ho hehanyela owihanke keyapelo.

Wagmeza

1 Otonwahe tanka ti. wicaša wan lila ota icazo,

 glajuju šni, t’a. Tawicu nakun t’a.

 hokšila wan wanji isnala el un. Tipi tawa ata icupi.

 Hecel hokšila he tankal iya. Otonwahe etanhan

 tankal iya. Tuweni yuha šni. Lila cantesica omani.

6 Can wegna ohanzi el istinma. Ake iyaya.

 Ake tuktel istinma. Anpetu ota hecel omani, ceya

 omani. Wanna lila tamaheca, woyute nica.

 Ake canohanzi el iyotaka, cankaga wan akan iyotaka.

 Maka kin wanyakin yanka. Unkan taku wanyaka,

11 taku zi cistila wanyaka. Hecel icu.

 "Le taku hwo?" ecin. Yuptanptan wanyaka; lila wašte!

 Iyognaka. Ake omani. Ake canohanzi el iyotaka.

 Iyognaka cik’on icu na wanyaka: hpan canke tanka;

 lila wašte na wiyasila, tanyan wanyaka, iyukc’okihi

16 šni, taku kin slolye šni, maka kin ekta mahel

 egnaka na iyaya, otonwahe tokeca ekta ya.

 Tka otonwahe mahel ya okihi šni: tiyopa kin

 akicita awanyakapi. wolakota šni.

 Hecel toka mahel iya okihi šni.

21 Ake ku. Wanna tehan ku, otonwahe tawa ekta gla.

 Unkan kiksuya: "Kal taku wan ewagnaki c’un

 ito el mni kte na wanblakin kte."

 Wanna ekta ya na wanna el i. Unkan wanna hinapa;

 hu kin lila wašte; ape kin tankikinyan na

26 sa iyuho hanhanpi selececa ca wanyaka.

 Lila yus’inyaya na cante apa inihan. He ikokap taku

 hececa tuwena wanyake šni ca

 wanyak najin na iyukcan najin. "Le taku hwo?" ecin.

 "Ito wicašayatapi kin owakiyakin kte," ecin. Na

31 wanna otonwahe ekta gla. Wanna otonwahe mahel

 kigla. Wanna wicašayatapi ti kin el ya. Tiyopa el

 akicita awanyakapi. Hecel el I na heya:

 "Akicita, iyowinmakiya yo." Yunkan akicita kin

 ayuptan: "hokšila sica wanji wicašayatapi ti el

36 yin kte cin šni yelo," eya. "Hiya, wicašayatapi

 taku wašte wan owakiyakin kta heon

 wanblakin kta wacin ca onsimala yo," eya keyapi.

 Hecel akicita kin wicašayatapi ti kin el mahel iya

 na wanyaka na heya: "hokšila wan wanniyakin kta cin.

41 Hecel taku wašte wan oniciyakin kta, keyelo."

 "Hau, usi yo," eya keyapi. Hecel akicita kin tankal

 inapa na heya: "Ho, u wo," eya keyapi. Hecen

 wanna hokšila kin wicašayatapi ti kin el tima iyaya.

 "Hau, eya keyapi, "hokšila hel hiyotaka yo," eya

46 keyapi; "taku omayakiyake kta hecin, omakiyaka yo,"

 eya keyapi, "cantewašteya nah’on mankin kte lo,"

 eya keyapi. Hecel hokšila kin hey keyapi:

 "wicašayatapi, iyotiyekiye lo. Wanna akihan

 mat’in kte lo," eya keyapi, "tuwenna mayuha šni

51 yelo," eya keyapi; "ate lila icazo, glajuju šni,

 t’e lo. Ina nakun t’e lo. Ate taku tawa kin oyasin

 icup’elo," eya keyapi; "hecel tankal otonwahe

 letanhan iblable lo," eya keyapi, "cantesica

 ceya omawani yelo," eya keyapi; "unkan taku wan

56 iyewaye lo can iwacu welo na iyognak’omawani

 yelo. Unkan hpan yelo, iyomahpan yelo, ca iwacu.

 "Unkan lila wašte yelo; canohanzi el wak’e lo;

 maka ekta cistila wak’e lo; nape on el ewagnake lo;

 wehan hecamon welo; na tehan omawani yelo;

61 otonwahe tokeca ekta wai yelo ka mahel bla

 owakihi šni yelo. Otonwahe oksan cunkaske suta,

 na tiyopa wanjila, tka akicita awanyakapi.

 "Hecel mahel bla owakihi šni. Hecel waku yelo na

 kanyela waku yelo. Unkan kal taku wan ewagnake

66 c’un, ito wanblaka ke ecanmi yelo ca ekta wai yelo,

 el wai yelo; unkan taku wan hinape lo.

 "Ape lila wašteste yelo. wicašayatapi, inicage cin

 ehantanhan taku hececa wanji wanlake šni yelo,

 taku wan wašte wanlakin kte lo

71 ca hosicicahi yelo," eya keyapi.

 "Unkan, anpetu tahena wanblakin kta hwo?" eya

 keyapi. Unkan, "hau," eya keyapi. Hecel

 tawowasi kin inahni canpagmiya ikoyagyapi, na

 hokšila kin kici canpgmiya kin el

76 iyotaka nahan lila luz iyayapi.

 Ihakab akicita ota inyankapi. Wanna el ipi.

 Unkan wicašayatapi wanyake, lila cantewašte,

 lila wiyuski, keyapi. Hecel akicita kin

 wanyakapi kta cinpi kinhan, kajujupi kta,

81 hokšila kin mazaska k’upi kta wicasi. Akicita

 otoiyohi mazaska wikcemna k’upi na wanyakapi.

 Tohinni taku hececa wanyakapi šni. Canke lila

 yus’inyayapi, cantewaštepi, taku wašte wanyakapi

 kin heon, lila iyokipipi na ohomni canhlogu yujunpi

86 na cunkaske inahni kagapi na kiglapi.

 Na canpagmiya tanka ota canblaska ognakapi na

 el ahipi na tipi wanji inahni kagapi na ogna yankapi

 na awanyakapi: "Tuwenna wicaša ikceka

 wanyakapi kte šni yelo," wicašayatapi kin eya keyapi.

91 He taku kta hecinhan, tanyan icagin kta keyapi.

 "Tohanyan seca šni kin hehanyan tuwenna

 oyut’an kte šni yelo; tuwa wanyake kta cin kinhan,

 mazaska wikcemna kajuju kte lo," eya keyapi.

 Nahan mazaska koka wanji el egle wicasi:

96 "Tuwa wanyakin kta cin kinhan koka kin el

 mazaska wikcemna ognakin kte lo," eya keyapi.

 Na hokšila kin kici kigla keyapi. Iye ti kin el

 hokšila kin un keyapi na yuotaninpi,

 otonwahe ki ata nah’onpi kta, keyapi.

101 Wanna ptanyetu ehan ake wanyakapi kta

 wicota ekta ayin kta keyapi.

 Wanna ptanyetu tak’oyasin suton

 hehan wanna lila wicota ekta aya keyapi.

 Unkan wanna lila hanska icaga keyapi.

106 Oyate ota, wicaša ota wanyakapi. Otoiyohi

 mazaska wikcemna ece kajujupi keyapi.

 Hecel hokšila kin wanna mazaska lila ota k’upi keyapi.

 Unkan taku eya lehanhankca wicispa

 hehanhankca ikoyaka, keyapi.

111 Hecel wanna oyate tanka oksan nijinpi na

 wicašayatapi kin wanna wanji oyuspa:

 ape kin yuhan, ake wanji yuhan, ake wanji yuhan,

 ake wanji yuhan, ake wanji yuhan, ake wanji yuhan,

 ake wanji yuhan, ake wanji yuhan, ake wanji yuhan.

116 Wanna ata yuhan.

 Unkan taku wan zi ca yuaslala keyapi na heya keyapi:

 "Le taku hwo? Tuwa slolya hwo?" eya keyapi.

 Tka tuwenni slolye šni. Wanna iyukcanpi na

 wahuapa hee wagmaheza ey cajeyatapi keyapi.

121 He itokab wagmaheza wanice keyapi. Tuweni heca

 wanyakapi šni. Wagmaheza wanjila iyognake cik’on

 he eca etanhan icaga keyapi. Maki el egnake cik’un

 he eca etanhan wahuawapa wikcemna icaga keyapi.

 Hecel ape kin hena e kaes ihpeyapi šni, tanyan icupi

126 keyapi. wicašayatapi ti kin el ataya akipi keyapi.

 Hecel wagmaheza wanjila mazaska opawinge

 wiyopeyapi keyapi. Oyate kin otapi hecel ata

 iyohipi šni, lila cinpi keyapi.

 Hecel wanna wetu wagmaheza he wanjila maka el

131 egnakapi keyapi. Na awanyakapi na hu kin hinapa

 keyapi. Lila tanyan awanyankapi.

 Hecel wagmaheza hu wanji tanka icaga.

 Hecel wahuapa wikcemna ece ikoyaka keyapi.

 Hecel hokšila wahpanica k’on he sica-tanka keyapi.

136 wicašayatapi ti kin ataya tawakiyapi; oyate kin

 ataya tawa keyapi. wicašayatapi t’e cinhan

 hokšila kin he wicašayatapi kta keyapi. Wanna

 wicašayatapi kin t’a.

 Hecel hokšila kin wanna wicašayatapi kagapi keyapi.

141 hokšila wahpanica k’un he Wakantanka okiya.

 Hecel Sicatanka na wicašayatapi kaga keyapi.

 Ho hecel tuwa onsi ke c’eyas Wakantanka cekiya un

 kinhan okiyin kta sica kta keyapi na wicaša wašte

 icagin kta keyapi Wakantanka okiya canke eyapi.

146 Ho, hecetu yelo!

Ikpi Hanhanla Kin

1 Wanna oyate wan wicoti keye hocokatonyan.

 Yunkan mastincala wan luta ca e na magaksica wan

 sa ca hoaglaglasna inyankapi keye. Ho ca he tuwa

 mastincala kin he na magaksica kin henaos

 wicao ehantans, wicaša itancan wan

6 cokap ti kin he cunwitku kin yuzin ske.

 Yunkan hokšila wan kunsitku kici tila wan

 ikpi kin ataya hanhan na istohli na osloslokahan keye.

 Kunsitku kici ostesteya wicakuwapi keye.

 Tipila wan sicela ca otipi. Canke

11 awicap’api nains atasosa wicakuwapi keye.

 Yunkan Ikpi Hanhanla tanka; skata keye:

 makasunkakan na taku iyuha kaga keye na

 hayapi ko kagin na tima ojula egle keye.

 Yunkan makasunkakan kin he wanji etan gleska na

16 owanyank wašte kaga keye na canwak’in ko na

 miwakan na wapaha ko kaga keye.

 Hena Ikpi Hanhanla hena koyakin kta iyuha

 kagin na makasunkakan kin he k’inkiya egle keye.

 Ho hece oyate wan tokeca ca natan hiyupi na

21 unma kin lena ob kicizapi. Yunkan Ikpi Hanhanla

 sunk’gleska k’on he akan yankin na

 kunsitku tawala wan sicela ca istakpa ca

 kaska yuzin na natan aye el opa keye.

 Yunkan wakpala wan el ekahliyin na hetan

26 gleska k’on he akan yankin na kicizapi.

 Ekta I na ataya wicakasota keye.

 He Ikpi Hanhanla e yesan iyekiyapi šni keye.

 Icin tokeca ic’icaga keye. Canke hecon na han ke

 ohomni inahma glicu keye; hecon na

31 kunsitku tawala wan kahliye un hel gli na

 Ikpi Hanhanla ic’icagan na kunsitku tawala

 gluceka han ke

 Canke natan kin el kupi nasna: "He ---,

 owanjila esa ektana nake šni, niskole,

36 takuwe yau ca?" eyapi na sna ap’api nains

 hlihlila on istogna sna ap’api keye. Wanna osota.

 Canke gluslutin na eciyatahan ehakehci gli keye.

 Ho yunkan gli na leya ke: "Unci, tuwa mastincala

 un he ena magaksica wan luta ca henaos, tuwa

41 wicao kin, winyan k’upi kta ska, ca nupin

 wicawao kte lo; winyan cokap ti kin bluzin kte lo,"

 eya. Yunkan kunsitku wicala šni keye: "Hiya, takoja,

 hecon šni ye; owekis anip’api nains niktepi kte,"

 eyin na lila iyokišni keye.

46 Wanna mastincala kin ena maga kin kici ku.

 Canke oyate kin wicakutepi keye.

 Yunkan Ikpi Hanhanla nupin wicao keye.

 Ikpi Hanhanla heya keye: "Oyatepi, lecel waun ca

 toka kin nicasotapi kta, ke iyuhaha wicawakte yelo,"

51 eya. Canke hel akiyuha aglipi keye.

 Ikpi Hanhanla tipi wašte wan hocokap han ca el

 akiyuha akignakapi keye. Winyan unhe k’upi keye.

 Ho hece ehas kunsitku kici tila k’on

 wicaša itancan wan tunkanyin na iyepišni s’e

56 kunsitku kici kas’ala yankapi keye.

 Ho hece tuwa sicela na wahpanica, kes

 winyan wašte ca icu na yuzin kici oic’ihipi na

 tanyan unpi na sicela eyas tuwe k’eyas

 "Hau" ekiyapi oyate wanjiki le akipapelo.